11:35
{mosimage}
Leikjunum um 5.-8. sæti á Heimsmeistaramótinu í kvennakörfuknattleik lauk í gær og voru það Frakkar sem tryggðu sér fimmta sætið með 79-73 sigri á Litháum. Í sjöunda sæti urðu Tékkar eftir 57-49 sigur gegn Spánverjum.
Emile Gomis gerði 22 stig hjá Frökkum en atkvæðamestar í liði Litháa voru þær Ausra Bimbaite og Sandra Valuzyte báðar með 19 stig. Staðan í hálfleik var 41-34 Frökkum í vil og lagði franska liðið grunninn að góðum sigri í þriðja leikhluta sem þær unnu leikhlutann 18-12 en slökuðu þó heldur á í fjórða leikhluta sem Litháar unnu 20-27 en það kom ekki að sök og fimmta sætið féll í skaut Frakka.
Í leiknum um 7.-8. sætið var það Amaya Valdemoro sem dró vagninn hjá Spánverjum og gerði 20 stig. Það dugði ekki til fyrir Spánverja sem stóluðu of mikið á Valdemoro og Tékkar höfðu því sigur 57-49. Hjá Tékkum var það Hana Machova sem gerði 17 stig og tók 7 fráköst.
Í dag leika svo Brasilía og Bandaríkin um þriðja sætið í keppninni og Ástralir og Rússar mætast í úrslitaleiknum strax að loknum leiknum um þriðja sætið.
Myndir: www.fiba.com – Myndir frá leikjum Frakka og Litháa og viðureign Spánar og Tékka.
{mosimage}
