Undir 18 ára drengjalið Íslands lagði Danmörku rétt í þessu í öðrum leik sínum á Norðurlandamótinu í Kisakallio, 71-75. Drengirnir því komnir með tvo sigra í fyrstu tveimur leikjunum, en í gær lögðu þeir Noreg.
Karfan spjallaði við Hilmi Arnarson leikmann Íslands eftir að sigurinn var í höfn. Hilmir var stórkostlegur á báðum endum vallarins undir lok leiksins, setti ein sjö stig í röð og var mikilvægur liðinu í þeim stoppum sem skópu sigur liðsins þegar lítið var eftir.
