Friðrik Ingi Rúnarsson hefur sagt starfi sínu lausu sem þjálfari Íslandsmeistara Keflavíkur í Bónus deild kvenna. Staðfestir félagið þetta með fréttatilkynningu í kvöld.
Ekki er tekið fram hver það verður sem mun stýra liðinu eftir áramótin, en Friðrik tók við liðinu nú í sumar af Sverri Þór Sverrissyni sem gerði liðið bæði að bikar- og Íslandsmeisturum á síðustu leiktíð.
Það sem af er tímabili hefur Keflavík unnið 7 deildarleiki og tapað 4. Þá duttu þær út í 16 liða úrslitum bikarkeppninnar í síðustu viku gegn grönnum sínum í Njarðvík.
Tilkynning:
Friðrik Ingi Rúnarsson sagði í dag upp starfi sínu sem þjálfari meistaraflokks kvenna í Keflavík.
Körfuknattleiksdeild Keflavíkur þakkar Friðriki fyrir hans störf og óskar honum alls hins besta.
