Good Angels Kosice eru komnar á topp B-riðils í meistaradeild Evrópu eftir 77-67 sigur á Nadezhda í kvöld. Helena var ekki í byrjunarliði Good Angels að þessu sinni en lék í 18 mínútur og skoraði 3 stig.
Helena var einnig með 7 fráköst, 1 stoðsendingu og 1 stolinn bolta í leiknum en stigahæst í liði Good Angels í kvöld var Alexandria Quigley með 21 stig.
Good Angels hafa nú unnið fimm og tapað tveimur leikjumm í keppninni en Famili Schio sem er í 2. sæti á leik til góða á Good Angels.
Mynd/ Helena til varnar í leiknum í kvöld.
