Undir 18 ára drengjalið Íslands lagði Eistland í dag í öðrum leik sínum á Norðurlandamótinu í Södertalje. Þrátt fyrir að Ísland hafi leitt nánast allan leikinn var hann nokkuð jafn inn í fjórða leikhlutann. Ísland gerir þá vel í að klára og komast í burtu með sigurinn, 85-70, en liðið hefur nú unnið fyrstu tvo leiki sína á mótinu.
Karfan spjallaði við Friðrik Leó Curtis eftir leikinn, en hann skilaði 18 stigum, 9 fráköstum og 3 stoðsendingum á 28 mínútum spiluðum, en hann mun ekki klára mótið með íslenska liðinu því hann er á leiðinni á sýningarmót í Bandaríkjunum.
Umfjöllun Körfunnar um íslensku landsliðin er kostuð af Lykil
