Íslenska U18 lið drengja lék í dag sinn þriðja leik á Norðurlandamóti yngri landsliða þegar liðið mætti Danmörku. Íslenska liðið er enn taplaust eftir leikinn í kvöld en liðið vann góðan sigur á Danmörku 82-72.
Gangur leiksins:
Danska liðið var líklegra í upphafi og var skrefi á undan. Ísland lék án tveggja byrjunarliðsmanna í dag, þeirra Dúa Þórs Jónssonar og Styrmis Snæs Þrastarsonar. Það virtist því taka íslensku leikmennina nokkrar mínútur að ná takti enda báðir mikilvægir leikmenn í spili Íslands. Okkar menn enduðu fyrri hálfleikinn vel og fóru með 43-33 forystu í hálfleikinn.
Þrátt fyrir nokkrar tilraunir Danska liðsins að reyna að stila sigrinum stóð Ísland af sér öll áhlaup. Íslenska liðið var einfaldlega mun sterkara og liðsheildin sterkari. Lokastaðan 82-72 og liðið því en án taps þegar tveir leikir eru eftir af mótinu.
Lykilleikmaður:
Veigar Páll þurfti að stíga upp í fjarveru Dúa og Styrmis í dag. Kauði gerði það heldur betur og gott betur. Hann endaði með 22 stig, 6 fráköst og 3 stolna bolta auk þess að vera með flotta nýtingu. Auk þess spilaði frábæra vörn og dreif liðið sitt áfram.
Viðtöl eftir leik:
