Elvar Már Friðriksson og Rytas máttu þola tap í kvöld fyrir Herzliya í meistaradeild Evrópu, 90-101.
Með sigri í kvöld gegn Peristeri getur Tenerife tryggt sig upp úr riðil Rytas fyrst liða. Fari svo verða Rytas, Peristeri og Herzliya jöfn að sigrum fyrir lokaumferðina í 2.-4. sætinu, en aðeins tvö lið fara áfram í næstu umferð keppninnar.
Á tæpum 27 mínútum spiluðum í leiknum skilaði Elvar Már 22 stigum, frákasti og stoðsendingu.
Síðasti leikur Rytas í riðlakeppninni er þann 21. desember gegn Tenerife.
