Florijan Jovanov skrifaði í dag undir tveggja ára samning við lið Hamars, en hann lék með liði FSu á síðasta tímabili í 1.deildinni.
Florijan er fjölhæfur 27 ára leikmaður sem getur bæði spilað á vængnum og leyst stöðu framherja. Á síðasta tímabili skoraði Florijan að meðaltali 13,7 stig í leik og tók 7,5 fráköst.
Nýráðinn þjálfari Hamars, Máté Dalmay hafði þetta að segja um félagaskiptin:
¨Við teljum Florijan vera einn af þeim leikmönnum sem eiga hvað mest inni frá því á síðasta tímabili. Í góðu flæði og skipulagi þá getur hann orðið algjör lykill að góðum árangri í vetur.¨
