Hin árlega Firma- og félagahópakeppni Vals verður að þessu sinni haldin föstudaginn 28. desember 2012. Keppni gæti staðið frá kl. 17:00 til 23:00. Leikið verður í Vodafonehöllinni að Hlíðarenda. Leikið verður á tveimur leikvöllum samtímis (hugsanlega þremur ef á þarf að halda).
Sigurvegarar fá bikar í verðlaun og auk þess verða gullverðlauna „peningar“ að vanda.
Leikið verður að mestu eftir venjulegum körfuboltareglum, nema leikurinn verður 2 X 12 mínútur, og klukkan aðeins stöðvuð síðustu 2 mínúturnar í leiknum. Til að tefja leikinn sem minnst í vítaskotum verður aðeins tekið eitt skot, sem gildir 1, 2 eða 3 stig eftir atvikum.
Mótið er eingöngu ætlað leikmönnum 30 ára og eldri. Ekki heimilt að hafa leikmenn úr efstu tveim deildum í liðunum.
Þátttökugjald er kr. 25.000.- fyrir hvert lið, sem greiðist í síðasta lagi fyrir fyrsta leik liðs. Innifalið í gjaldinu eru veitingar í Lollastúku.
Greiða má í gegnum heimabanka inn á reikning:
Banki: 0101 – 26 – 3909
kt. 581181 – 0279
Þátttökutilkynningar berist sem fyrst til undirritaðs og í allra síðasta lagi fyrir Þorláksmessu.
Með bestu kveðju
Torfi Magnússon
Sími: 661 8012
Mynd/ Fré keppninni árið 2009.
