Karfan.is náði tali af Finni Frey Stefánssyni, þjálfara KR eftir þriðja og síðasta leik liðsins við Grindavík í 8 liða úrslitum Domino’s deildar karla. Hann var að vonum ánægður með sigurinn og sérstaklega að ná að klára þetta á heimavelli.
“Við vildum klára þetta hérna heima og reyna að að klára þetta í sem fæstum leikjum. Þetta var bara fín frammistaða þó við hefðum ekki náð að komast á það flug sem við vildum en það sem við gerðum er nóg og við erum sáttir við þetta.
Fjórir leikmenn KR liðsins voru með yfir 10 stig í leiknum og fimm þeirra voru með tveggja stafa stigatölur í leiknum í Grindavík. Finnur benti samt á að framlag væri að koma af bekknum einnig.
“Bæði Bjössi og Snorri að fá fín færi sem þeir voru að nýta, sérstaklega Bjössi sem hann klárar á góðum degi. Þórir kom inn með krafti þannig að við erum með fínan hóp og góða breidd. Við hlökkum bara til að takast á við framhaldið.”
Einhver óska mótherji fyrir KR í undanúrslitunum?
“Nei, við eigum heimaleikjaréttinn og erum ánægðir með það. Undirbúum okkur bara fyrir næsta leik í DHL og ég vona innilega að það verði betur mætt.”
