Danska úrvalsdeildarfélagið Horsens IC hafa gengið frá ráðningu á nýjum þjálfara fyrir komandi leiktíð. Þjálfarinn er Finnur Freyr Stefánsson aðstoðarþjálfari íslenska landsliðsins og fyrrum þjálfari KR.
Finnur sem gerði KR að meisturum fimm ár í röð hefur verið í hvíld frá meistaraflokks þjálfun frá því hann sagði starfi sínu lausu hjá KR fyrir ári síðan. Hann tekur nú við dönsku bikarmeisturnum af króatanum Arnel Dedic.
Horsens hefur verið meðal tveggja bestu liða í Danmörku síðustu ár og hefur til að mynda tapað úrslitaeinvíginu um titilinn þrjú ár í röð, öll árin gegn Bakken Bears.
Í samtali við mbl.is fyrr í dag sagði Finnur: „Það eru svona 2-3 vikur síðan að þetta kom upp og þar til að þetta var klárað. Það var haft samband við mig frá Horsens og eftir fyrsta símtal fann ég að það var mikill áhugi á að fá mig koma. Hvað mig varðar snerist þetta meira um þá ákvörðun hvort maður vildi flytja út með fjölskylduna eða halda áfram heima, en um leið og við ákváðum að við vildum fara út og prófa þetta þá gengu hlutirnir ansi hratt fyrir sig,“
