Indiana Fever heimsótti Minnesota Lynx í fyrsta leik um WNBA titilinn og nældu sér í mikilvægan sex stiga sigur 70-76, og það án Katie Douglas sem tognaði illa á ökkla í síðasta leik hjá Fever. Það var þó varnarmaður ársins, Tamika Catchings, sem dróg vagninn og skilaði inn 20 stigum fyrir Fever.
Leikurinn var nokkuð jafn framan af í hálfleik var Fever yfir, 40-43, eftir góðan fyrsta leikhluta. Lynx ætlaði þó að selja sig dýrt og með góðri baráttu, þá sérstaklega hjá Seimone Augustus, komust þær yfir fyrir síðasta leikhlutann, 58-56. Í síðasta leikhlutanum spítti Fever í lófana og með frábærri spilamennsku náðu að landa sigri í Minnesota, 70-76. Á tímum sundurspiluðu Fever Lynx sem skiluðu þeim auðveldum körfum. Þá var það vörn Fever sem skilaði þeim þessum sigri en þær héldu Lynx í aðeins 12% hittni í fjórða leikhluta og var það sem skilaði þeim þessum sigr og eru því 1-0 yfir í rimmunni.
Næsti leikur fer fram í Indiana á miðvikudaginn en það lið sem fyrst vinnur 3 leiki vinnur WNBA titilinn.
Stigahæstu leikmenn Lynx:?
Seimone Augustus 23 stig/6 fráköst, Maya Moore 14 stig/10 fráköst, Lindsay Whalen 12 stig og Rebekkah Brunson 10 stig/10 fráköst.
Stigahæstu leikmenn Fever:
Tamika Catchings 20 stig/6 fráköst/4 varin skot, Erlana Larkins 16 stig/15 fráköst, Erin Phillips 13 stig og Briann January 11 stig/6 stoðsendingar.
