Íslenska landsliðið mætir Rúmeníu kl. 16:30 í Laugardalshöllinni í dag í öðrum leik nóvemberglugga síns í undankeppni EuroBasket 2023. Um er að ræða seinni leik Íslands gegn Rúmeníu í riðlakeppni mótsins, en fyrri leiknum tapaði Ísland ytra í spennuleik. Fyrir leik kvöldsins hefur Ísland tapað fyrstu þremur leikjum undankeppninnar á meðan að Rúmenía hefur unnið einn og tapað tveimur.
Umgjörðin í kringum leik dagsins er ekki af verri endanum, en í kl. 15:00 hefst körfuboltahátíð í Laugardalshöllinni, þar sem í boði verða körfuboltaþrautir, lukkuhjól, andlitsmálun, plötusnúður og eitthvað fleira til þess að hita upp fyrir leikinn.
Karfan kom við á æfingu hjá liðinu í gær og ræddi við leikmann liðsins Evu Margréti Kristjánsdóttur um erfiðan leik úti á Spáni, ferðalagið heim frá Huelva og möguleika Íslands gegn Rúmeníu í dag.
Umfjöllun Körfunnar um íslensku landsliðin er kostuð af Lykil
