spot_img
HomeFréttirErlendu leikmennirnir unnu og Sowell var valinn bestur

Erlendu leikmennirnir unnu og Sowell var valinn bestur

20:43 

{mosimage}

 

 

Erlendu leikmennirnir unnu 22 stiga sigur á þeim íslensku, 142-120, í Stjörnuleik KKÍ sem fram fór fyrir framan 800 áhorfendur í DHL-Höllinni í dag. Langt síðan svo margir áhorfendur hafa mætt á Stjörnuleikina sem er afar ánægjulegt. Þrátt fyrir handboltalandsleik og erfiða færð var virkilega gaman að sjá hveru margir lögðu leið sína í DHL-Höllina og varð Friðriki Inga Rúnarssyni, framkvæmdastjóra KKÍ, það á orði að um óstaðfest aðsóknarmet á Stjörnuleiki KKÍ væri að ræða.

Þórsarinn Kevin Sowell var valinn maður leiksins en hann skoraði 27 stig fyrir erlenda liðið. Magnús Þór Gunnarsson var stigahæstur í íslenska liðinu með 21 stig. Skallagrímsmaðurinn Axel Kárason vann þriggja stiga keppnina sem fór fram samhliða leiknum.

Kevin Sowell skoraði 27 stig fyrir erlenda liðið, Lamar Karim var með 18 stig og Nemanja Sovic hjá Fjölni var með 15 stig fyrir erlenda liðið. Hjá íslenska liðinu skoraði Keflvíkingurinn Magnús Þór Gunnarsson mest eða 21 stig, Hreggviður Magnússon úr ÍR var með 19 stig og Pétur Már Sigurðsson úr Skallagrími skoraði 18 stig.

{mosimage}

Kevin Sowell var í miklu stuði í DHL-höllinni í dag, sýndi frábær tilþrif og magnaðar troðslur, bæði í leiknum sem og í sérstarki troðslusýningu í hálfleik. Sowell sýndi þá ásamt Lamar Karim hjá Tindastól, Isamail Muhammad hjá Keflavík og Ágústi Dearborn hjá Þór úr Þorlákshöfn, hvernig menn fara af því að troða boltanum á sem glæsilegastan háttt í körfuna.

Axel Kárason vann þriggja stiga keppnina en hann fékk mestu samkeppnina frá félaga sínum í Skallagrímsliðinu, Dimitar Karadzovski.  

Texti: www.kki.is og [email protected]

Myndir: [email protected]

 

{mosimage}

 

{mosimage}

 

{mosimage}

 

{mosimage}

 

{mosimage}

 

{mosimage}

 

{mosimage}

 

{mosimage}

 

{mosimage}

 

{mosimage}

 

 

Fréttir
- Auglýsing -