Undir 18 ára landslið stúlkna tapaði fyrr í dag fyrir Kýpur í B-deild Evrópumótsins, 60-42. Liðið því með 1 sigurleik og 3 tapleiki það sem af er móti.
Íslenska liðið var seint í gang í leik dagsins. Töpuðu fyrsta leikhlutanum með 7 stigum, 20-13. Undir lok fyrri hálfleiksins náðu þær þó að rétta hlut sinn eilítið, en þegar að liðin héldu til búningsherbergja í hálfleik var forysta Kýpur aðeins 4 stig, 29-25.
Í upphafi seinni hálfleiksins gerir Ísland svo vel í að hleypa þeim ekki langt á undan, en forysta Kýpur var aftur komin í 7 stig fyrir lokaleikhlutann. Í honum voru þær svo einfaldlega númeri of stórar. Eftir afleitan fjórða leikhluta þurfti Ísland að sætta sig við 18 stiga tap, 60-42.
Atkvæðamest í íslenska liðinu var Birna Benónýsdóttir, en hún skoraði 15 stig og tók 9 fráköst á þeim 33 mínútum sem hún spilaði.
Íslenska liðið mætir Finnlandi á morgun kl. 11:30, en þær hafa til þessa unnið alla leiki sína á mótinu.
Upptaka frá leiknum:
