Barry University sigraði Union háskólann frá Tennessee 65-74 í gærkvöldi og eru því komnir alla leið í 16 liða úrslit 2. deildar NCAA háskólaboltans. Þetta er það lengsta sem Barry háskólinn hefur náð í keppninni frá upphafi og Elvar Már lykilmaður í þeirri velgengni.
Elvar lauk leik með 13 stig, 6 fráköst og 4 stoðsendingar auk þess að stela boltanum tvisvar. Elvar lék næstmest allra leikmanna Bucs í leiknum með 35 mínútur en Yunio Barrueta lék allar 40 mínúturnar. Hann lauk leik með 19 stig og 7 fráköst.
Barry mæta því Alabama-Huntsville í 16 liða úrslitunum á þriðjudag kl. 0:30 að íslenskum tíma.
