Jón Axel Guðmundsson og San Pablo Burgos ríghalda í efsta sæti Primera Feb deildarinnar á Spáni, en í dag lögðu þeir Morón með 30 stigum, 101-71.
Á tæpum 17 mínútum spiluðum í leiknum skilaði Jón fimm stigum, þremur fráköstum, stoðsendingu og þremur stolnum boltum.
Leikurinn var sá ellefti sem Jón Axel og félagar vinna í röð, en þeir eru sem áður í efsta sæti deildarinnar með átján sigra og aðeins eitt tap það sem af er keppni.
