Miami Heat sigruðu Boston Celtics 106-101 í nótt í öðrum leik liðanna í úrslitum Austurstrandar NBA deildarinnar. Eftir leikinn eru Heat því komnir með 2-0 forystu í einvíginu og þurfa aðeins tvo sigurleiki til viðbótar til þess að vinna Austurströndina og mæta annað hvort Los Angeles Lakers eða Denver Nuggets í einvígi um meistaratitil NBA deildarinnar.
Leikur næturinnar var nokkuð kaflaskiptur, þar sem að liðin skiptust á forystunni í 18 skipti og var frekar útlit fyrir að Celtics væru með tak á leiknum en Heat á löngum köflum, þar sem að forysta þeirra fór mest í 17 stig rétt fyrir lok fyrri hálfleiksins.
Undir lokin var lið Heat þó sterkara og sigraði leikinn að lokum með 5 stigum, 106-101, mikið til vegna framgöngu hins slóvenska Goran Dragic á lokamínútunum.
Atkvæðamestur fyrir Heat í leiknum var Goran Dragic með 25 stig og 5 stoðsendingar. Fyrir Celtics var það Kemba Walker sem dróg vagninn með 23 stigum og 7 fráköstum.
Það helsta úr leik Heat og Celtics:
