Þessi spá er hluti af spá Karfan.is fyrir NBA tímabilið 2017-2018.
Denver Nuggets
Heimavöllur: Pepsi Center
Þjálfari: Mike Malone
Helstu komur: Paul Millsap.
Helstu brottfarir: Danilo Gallinari.
Denver Nuggets rétt misstu af úrslitakeppninni á síðasta tímabili og forráðamenn liðsins ákváðu að staðna ekki heldur reyna að taka skrefið áfram og það gerðu þeir með því að ná í stjörnuleikmanninn Paul Millsap. Það verður gaman að sjá hvort að þessi breyting treysti vörnina aðeins því sóknin þarf ekki mikið til þess að teljast frábær.
Styrkleikar liðsins eru virkilega góður sóknarleikur, stjörnuleikmennirnir þeirra 2 eru báðir þekktir fyrir að vera óeigingjarnir og svo eru leikmenn eins og Gary Harris, Jamal Murray og Will Barton virkilega góðir á sínum degi og geta strítt hvaða liði sem er. Þjálfarinn Mike Malone er flottur og liðið er fullt sjálfstraust eftir fínt tímabil í fyrra.
Veikleikar liðsins eru varnarleikurinn, sem var vægast sagt vondur í fyrra en Denver menn vonast til þess koma Paul Millsap muni hjálpa til þar. Lykilmenn í liðinu eru líka reynslulitlir og breiddin er ekki frábær. Emmanuel Mudiay virðist ekki vera NBA leikstjórnandi og var sennilega einn versti leikmaður deildarinnar í fyrra.
Byrjunarlið í fyrsta leik:
Jamal Murray
Gary Harris
Wilson Chandler
Paul Millsap
Nikola Jokic
Fylgstu með: Nikola Jokic. Jókerinn skemmtir okkur öllum með skemmtilegum sendingum og huggulegum körfum.
Gamlinginn: Richard Jefferson er mættur á svæðið heldur í útbrunnari kantinum. Mun samt sennilega henda í 1 og 1 þrist úr horninu og jafnvel troða boltanum öðru hverju.
Spáin: 49–33 – 6. sæti
15. Phoenix Suns
14. Sacramento Kings
13. Dallas Mavericks
10. Utah Jazz
6. Denver Nuggets
5.
4.
3.
2.
1.
