Fyrstu deildar lið Hauka hefur samið við Deion Bute um að leika með liðinu á komandi tímabili. Deion er 26 ára, 206 cm, hollensk-bandarískur miðherji sem síðast lék með Juaristi ISB í LEB Silver deildinni á Spáni, en þar skilaði hann 9 stigum, 5 fráköstum og 2 stoðsendingum að meðaltali í leik. Áður en hann gerðist atvinnumaður lék hann fyrir Central Connecticut State í bandaríska háskólaboltanum.
Tilkynning:
Körfuknattleiks Hauka og Deion Bute hafa komist að samkomulagi að Bute spili með Haukaliðinu á næstu leiktíð.
Deion er 26 ára Hollendingur sem spilaði með Central Connecticut State í háskóla en hefur á sínum atvinnumannaferli spilað í spænsku LEB Silver deildinni. Hann er 206 cm miðherji og skilaði 9 stigum, 5.4 fráköstum og 1.5 stoðsendingu hjá Juaristi ISB á síðustu leiktíð.
