Dagur Kár Jónsson kom inn af bekknum í sýnum fyrsta leik fyrir St. Francis Terriers og var stigahæstur í sínu liði með 12 stig. Hann bætti einnig við 5 fráköstum og 2 stoðsendingum. Dagur spilaði einnig flestar mínútur í sínu liði eða 31. Terriers töpuðu hins vegar leiknum 49-75 fyrir Boston College. Gunnar Ólafsson var í byrjunarliði Terriers en lauk leik án stiga með 2 fráköst.
CSU Cougars sigruðu Middle Georgia State Knights 72-91. Matthías Orri spilaði 14 mínútur í leiknum en lauk leik án stiga en var með 2 fráköst og 2 stoðsendingar.
Hildur Björg Kjartansdóttir og stúlkurnar í University of Texas Rio Grande Valley sigruðu Cal Poly skólann 66-58 í gær. Hildur spilaði 30 mínútur og lauk leik með 8 stig, 9 fráköst og 3 stoðsendningar. Hún átti einnig mikilvæga körfu sem setti af stað 9-0 keyrslu í upphafi leiks og kom þeim yfir í fyrsta skiptið eftir að hafa lent 2-10 undir.
