Aga- og úrskurðarnefnd hefur komist að niðurstöðu í fjórum agamálum sem henni hafði borist til úrlausnar. Um er að ræða tvær áminningar til leikmanna og þá er einn þjálfari og einn leikmaður dæmdur í bann.
Lengsta bannið fékk þjálfari KR Hörður Unnsteinsson, tvo leiki, fyrir háttsemi sína í leik KR gegn ÍR í 12. flokki kvenna, en þar sem um er að ræða annað bann Harðar í vetur er það samkvæmt bókinni að um tvo leiki sé að ræða. Aðeins er um ræða bann fyrir Hörð í 12. flokki og mun hann því geta stýrt liði sínu í fyrstu deild kvenna.
Þá er leikmaður Grindavíkur Gaios Skordilis dæmdur í eins leiks bann fyrir háttsemi sína í leiknum gegn ÍR í Subway deildinni. Þetta mun vera í annað skiptið sem Gaios er dæmdur í bann, en áður hafði hann verið dæmdur í tveggja leikja bann fyrir áramót.
Agamál 56/2022-2023
Með vísan til ákvæðis a. liðar 1. mgr. 13. gr. reglugerðar um aga- og úrskurðarmál skal hinn kærði, Þórður Kristófer Ingibjargarson, leikmaður Fjölnis, sæta áminningu vegna háttsemi sinnar í leik KR b gegn Fjölni b, sem fram fór þann 29 janúar 2023.
Agamál 57/2022-2023
Með vísan til ákvæðis b. liðar 1. mgr. 13. gr. reglugerðar um aga- og úrskurðarmál skal hinn kærði, Hörður Unnsteinsson, þjálfari KR, sæta tveggja leikja banni vegna háttsemi sinnar í leik ÍR gegn KR í 12. Flokki kvenna, sem fram fór þann 30 janúar 2023.
Agamál 58/2022-2023
Með vísan til ákvæðis a. liðar 1. mgr. 13. gr. reglugerðar um aga- og úrskurðarmál skal hinn kærði, Bjartmar Áki Sigvaldason, leikmaður Skallagríms, sæta áminningu vegna háttsemi sinnar í leik Skallagríms gegn Keflavík, sem fram fór þann 31 janúar 2023.
Agamál 59/2022-2023
Með vísan til ákvæðis a. liðar 1. mgr. 13. gr. reglugerðar um aga- og úrskurðarmál skal hinn kærði, Gkay Gaios Skordilis, leikmaður Grindavíkur, sæta eins leiks banni vegna háttsemi sinnar í leik ÍR gegn Grindavík, sem fram fór þann 3 febrúar 2023
