Clippers tóku sterkan sigur í Houston

Bræðurnir Clippers og Lakers lönduðu sigrum í NBA deildinni í nótt. Stóri bróðir Lakers í Staples Center hafði betur gegn Milwaukee en litli bróðir í Clippers náði í dýran sigur gegn Houston á útivelli.

 

Jamal Crawford kom með 30 stig af bekknum hjá Clippers en hann smellti niður 5 af 7 þristum sínum í leiknum. Fimm leikmenn Clippers gerðu 15 stig í leiknum eða meira en þeir Bledsoe og Griffin bættu svo báðir við 19 stigum. Hjá Houston var James Harden með 23 stig og Jeremy Lin gerði 12 stig og gaf 10 stoðsendingar. Chris Paul var ekki heldur með Clippers í nótt sökum meiðsla í hægra hné.

 

Kobe Bryant og Dwight Howard gerðu báðir 31 stig í liði Lakers í nótt. Kobe var einnig með 6 stoðsendingar en Howard bauð upp á skrímslatvennu með 16 fráköst að auki. Hjá Milwaukee var Monta Ellis með 17 stig, 6 fráköst og 4 stoðsendingar.