Þessi upphitun er hluti af spá karfan.is fyrir NBA tímabilið sem hefst 26. október.
Áður birt:
Charlotte Hornets
Heimavöllur: Spectrum Center
Þjálfari: Steve Clifford
Helstu komur: Roy Hibbert, Marco Belinelli
Helstu brottfarir: Jeremy Lin, Courtney Lee, Al Jefferson
Hornets voru mikið sterkari á síðasta tímabili en nokkur maður gerði ráð fyrir. Kannski gera þeir enn betur á þessu tímabili en líkurnar á því eru ekki miklar. Þeir töpuðu mikilli breidd í sumar og Ramon Sessions bætir ekki upp það sem Jeremy Lin skilaði. Margir af styrkleikum þeirra frá því í fyrra eru þó enn til staðar.
Kemba Walker er alger sprengja og gæti enn bætt sig eftir frábært tímabil í fyrra, Hornets liðið er ennfremur gott varnarlið leitt af reynsluboltanum Nicolas Batum og hefur Steve Clifford sannað sig sem góður þjálfari. Veikleikarnir eru þónokkrir, helst vantar þá skyttur og vegna vöntunar á þeim verður sóknarleikur Hornets manna oft á tíðum fyrirsjáanlegur. Breiddin verður líka vandamál.
Líklegt byrjunarlið í fyrsta leik:
PG – Kemba Walker
SG – Michael Kidd-Gilchrist
SF – Nicolas Batum
PF – Fram Kaminsky III
C – Cody Zeller
Gamlinginn: Marco Belinelli (31) er fín skytta sem hefur marga fjöruna sopið.
Fylgstu með: Michael Kidd-Gilchrist, leikmaður sem hefur glímt við meiðsli en á sínum degi er einn besti varnarmaður deildarinnar.
Spá: 39-43 – 10. sæti
