Grindvíkingar hafa komist að samkomulagi við J´Nathan Bullock um að klára tímabilið með þeim. Risa undirskrift ef svo má að orði komast en Bullock vissulega þekkt stærð fyrir þá Grindvíkinga. Bullock lék með Grindavík tímabilið 2011-2012 og urðu Grindvíkingar Íslandsmeistarar í Iceland Express deildinni sálugu.
Bullock skoraði 21 stig og tók 9 fráköst að meðaltali á leik síðast þegar hann lék með Grindavík. Eftir Grindavík spilaði hann í Finnlandi með góðum árangri en nú síðast var hann við starfa í Filipseyjum. Bullock er 30 ára gamall framherji sem er rétt um tveir metrar á hæð og rúmleg einhver 100 kíló.
