Haukar hafa gengið frá samkomulagi við Brandon Mobley um að spila með félaginu í Domino's deild karla. Þetta kemur fram í fréttatilkynningu á vefsíðu Hauka. Mobley kemur beint frá Seaton Hall háskólanum þar sem hann skoraði 9,8 stig að meðaltali í leik, tók 5 fráköst og varði 1,1 skot.
Mobley er 205 cm á hæð og um 100 kg að þyngd og búast Haukar við miklu frá þessum leikmanni í vetur ef marka má fréttatilkynningu Hauka.
"Mobley er stór, fljótur og hefur gott skot, en er fyrst og fremst þekktur fyrir góðan varnarleik en hann var mikill leiðtogi í sínu liði. Mobley var með um 10 stig og 5 fráköst að meðaltali í leik og þykir það nokkuð gott í þessum sterka riðli. Aftur á móti er ljóst að hann er að koma beint úr skóla og því vantar honum einhverja reynslu. Mobley hefur haldið áfram að æfa með Seton Hall eftir útskrift og á að vera í topp formi."
Tölfræði Brandon Mobley hjá Seaton Hall
