Í uppgjöri toppliða NBA deildarinnar þá var það sigursælasta lið deildarinnar, Boston Celtics sem unnu sannfærandi sigur á liði Pheonix Suns þegar liðin mættust í Arizona í nótt. 125:98 varð niðurstaða kvöldsins og leiddu Celtics með mest 45 stigum á tímabili í leiknum. Tvíhöfða skrímsli þeirra Celtics, Tatum og Brown leiddu liðið með sitthvort 25 stigin en hjá Pheonix var það Devin Booker sem krafsaði upp 17 stigum. Boston Celtics þetta fornfræga stórveldi virðist vera komið á þann stað sem þeir eiga heima, á toppi NBA deildarinnar.
Hitt stórveldið í deildinni hefur séð betri daga. LA Lakers hafa farið skelfilega af stað í deildinni í ár og í nótt fengu þeir en eitt tapið í fangið þegar þeir renndu yfir landamærin og spiluðu gegn Toronto. Toronto settu 126 stig gegn 113 stigum Lakers og þeir Lakersmenn slást nú við að koma sér í 50% vinningshlutfall. Siakam og VanVleet gáfu þeim félögum frá Boston ekkert eftir og hlóðu í sitthvort 25 stigin fyrir Toronto. Lakers mættu vængbrotnir til leiks og spiluðu án Lebron (ökklameiðsli) og jú haldið ykkur fast, Antony Davis veikur heima. Lonnie Walker leiddi lið Lakers með 16 stig þetta kvöldið.
Annars fóru önnur úrslit næturinnar svona:
Orlando Magic – Los Angeles Clippers 116:111
Brooklyn Nets – Charlotte Hornets 122:116
New York Knicks – Atlanta Hawks 113:89
Chicago Bulls – Washington Wizards 115:111
Memphis Grizzlies – Oklahoma City Thunder 123:102
Milwaukee Bucks – Sacramento Kings 126:113
Minnesota Timberwolves – Indiana Pacers 121:115
New Orleans Pelicans – Detroit Pistons
Utah Jazz – Golden State Warriors 124:123
