Mögulega halda einhverjir að þessi fyrirsögn eigi heima á kylfingur.is eða heimasíðu golfsambandsins en svo er ekki. Guðmundur Jónsson leikmaður þeirra Keflvíkinga neyddist til að játa sig sigraðann í gær í Hellinum þegar Keflvíkingar mættu ÍR í framlengdum leik. Leikurinn vannst með minnsta mun og Guðmundur spilaði 35 mínútur. Kappinn setti niður 13 stig og tók 2 fráköst á þessum 35 mínútum.
Eftir leik fór Guðmundur beint á vakt í Reykjanesbænum þar sem hann starfar sem slökkviliðsmaður. Þegar liðið er á miðnætti kemur útkall þar sem að íbúð að Vesturgötu í bænum varð eldi bráð. Guðmundur og hans kollegar voru fljótir að ná tökum á eldi en fyrst þurfti að bjarga konu og karlmanni sem í íbúðinni voru. Parið var þungt haldið eftir reyk í íbúðinni en voru með meðvitund þegar þeim var bjargað samkvæmt VF.is og litlu mátti muna samkvæmt lögreglu á staðnum. Á myndinni hér sem fylgir fréttinni má sjá Guðmund að störfum, ekki er að sjá að kappinn hafi spilað framlengdann "thriller" leik í Hellinum fyrr um kvöldið.
Mynd: VF.is
