Á dögunum komu KR-ingar á laggirnar Hlaðvarpsstöð þar sem rætt er við ýmsa KRinga um verkefni dagsins og ýmislegt annað. Þriðji þátturinn kom út í dag og var þar hitað upp fyrir úrslitaeinvígið í 1. deild kvenna.
Þjálfar KR Benedikt Guðmundsson og fyrirliði liðsins Þorbjörg Andrea Friðriksdóttir settust niður með KR-ingnum og blaðamanninum Hjörvari Ólafssyni á dögunum. Þar var farið yfir möguleika KR á að ná í sæti í Dominos deildinni og farið yfir tímabilið.
Einvígi KR og Fjölnis hefst miðvikudaginn 4. apríl en sigra þarf þrjá leiki til að tryggja sæti í Dominos deild kvenna að ári. Liðin hafa mæst fjórum sinnum í deildarkeppninni en KR vann alla leikina.
Podcastþáttinn með Benedikt og Obbu má hlusta á hér.
