*Um flautukörfu var að ræða og dómarar leiksins ákváðu að notast ekki við myndbandsupptökur til að skera úr um lögmæti körfunnar og við það voru Norðmenn afar ósáttir enda stendur þetta ansi tæpt.
Eyjólfur Ásberg Halldórsson 21 stig, 9 fráköst (sigurstoðsending leiksins)
Ingvi Þór Guðmundsson 11 stig og 4 fráköst
Fjórði leikhluti
– Íslenskur sigur á flautukörfu gott fólk – Eyjólfur varði skot Norðmanna og skotklukka þeirra norsku rann út. Ísland átti innkast á sínum vallarhelmingi, brunuðu upp þar sem Eyjólfur Ásberg fann Jörund Snæ einan í teignum sem skoraði um leið og leiktíminn rann út. Dómarar leiksins ráðfærðu sig um hvort karfan væri gild og dæmdu hana gilda án þess að styðjast við myndbandsupptöku, lokatölur 86-84 Íslandi í vil. Enn einn spennusigur hjá íslenska liðinu, áskrift á hækkaðan blóðþrýsting að sjá leiki með U16 ára liði Íslands.
– 4,7 sek eftir og Eyjólfur Ásberg ver þriggja stiga tilraun Norðmanna!
– Góð íslensk vörn endar á því að Árni Elmar nær boltanum og finnur Eyjólf Ásberg í teignum og Norðmenn brjóta á honum, Eyjólfur fær tvö víti og jafnar leikinn 84-84 þegar 29,9 sekúndur eru til leiksloka! Norðmenn taka leikhlé.
– Brynjar Karl brýst upp völlinn og Norðmenn brjóta á honum í sniðskoti, Brynjar fær tvö víti. Setur fyrra og 81-84 – setur seinna og minnkar muninn í tvö stig, 82-84.
– 80-84 Eyjólfur Ásberg setur niður eitt af tveimur vítum þegar 1.48mín eru eftir.
– Átjándi tapaði boltinn í íslenska liðinu sem Norðmenn refsa með hraðaupphlaupi og leiða nú 79-84 og eru á 2-9 spretti. 2.03mín til leiksloka og Ísland var að ljúka við leikhlé.
– 79-80 Norðmenn skella niður þrist, þeirra tíundi þristur í leiknum!
– 77-75 Þórir Þorbjarnar kemur Íslandi yfir á nýjan leik, fékk góða stoðsendingu frá Brynjari Karli eftir að hafa verið fyrstur upp völlinn í hraðaupphlaupi. Norðmenn svara og jafna strax 77-77 í næstu sókn.
– Íslenska liðið hefur farið afar ógætilega með boltann síðustu mínútur, bakverðirnir að keyra inn í norsku vörnina og hefja sig til flugs án þess að hafa í raun hugmynd um hvað þeir ætli að gera, oftar en ekki er þetta að enda í erfiðum sendingum sem Norðmenn rífa í sig.
– 73-73. Norðmenn búnir að jafna og Borce bað um leikhlé fyrir íslenska liðið. 5.16mín til leiksloka.
– 73-69 Brynjar Karl setur niður tvö víti fyrir íslenska liðið en Norðmenn svara að bragði og minnka í 73-71.
– 71-67 og 7 mínútur eftir af leiknum…þetta verður hjartastyrkjandi allt þar til lokaflautan gellur.
– 67-63 fyrir Ísland og rúmar átta mínútur eftir af leiknum.
– Þórir er eins og maðurinn sagði „í ruglinu“ – stelur af Norðmönnum boltanum í tvígang við þeirra eigin körfu og skorar í bæði skiptin, kemur Íslandi í 65-60, áhlaupið enn í gangi og er orðið 18-0 og Þórir kominn í 23 stig, sá er heldur betur búinn að finna fluggírinn.
– Fjórði leikhluti er hafinn, Ísland byrjar með boltann.
Þriðji leikhluti
– Norðmenn gerast sekir um dómgreindarleysi, brjóta á Ingva Þór í erfiðu skoti um leið og leiktíminn er að renna út, Ingvi var í þriggja stiga skoti og hann þakkaði auðvitað fyrir sig með því að setja öll þrjú vítin! Staðan 61-60 fyrir Ísland sem lokaði þriðja leikhluta með 14-0 lokaspretti, hrikalega vel gert hjá drengjunum!
– 58-60 enn skorar Þórir og nú eftir gegnumbrot, strákurinn kann vel við sig þegar leikar eru komnir í járn.
– 56-60 Þórir Þorbjarnarson tekur þrist sem vill ekki niður en nær sínu eigin sóknarfrákasti og skorar í teignum, áhlaup Íslands orðið 9-0 og Norðmenn taka leikhlé þegar 38 sekúndur eru eftir af þriðja leikhluta. Frábær kafli hjá íslenska liðinu úr stöðunni 49-60.
– 54-60 Þórir með stoðsendingu á Eyjólf Ásberg sem minnkar muninn niður í 6 stig og íslenska liðið statt á 7-0 spretti og mínúta eftir af þriðja.
– 47-60 fyrir Noreg og 2.57mín eftir af þriðja leikhluta þegar Borce tekur leikhlé fyrir Ísland.
– Sveinbjörn hefur verið sterkur undir körfunni í dag og er kominn með 7 fráköst, hann var rétt í þessu að hirða frákastið og lauma boltanum jafn óðum ofaní, 45-52
Hálfleikstölur
Skotnýting liðanna í hálfleik:
Margir góðir kaflar hjá íslenska liðinu í fyrri hálfleik en varnarleikur okkar manna hefur verið betri, bakverðirnir að gleyma sér og skilja heita Norðmenn eftir auða og opna fyrir utan þriggja stiga körfuna og þeir norsku þakka pent fyrir það með 75% þriggja stiga nýtingu í fyrri hálfleik!
Annar leikhluti:
– Fyrri hálfleik er lokið, Norðmenn leiða 39-45.
– Íslenska liðið hefur enn ekki sett þrist allan leikinn, liðið er 0-8 í þristum rétt eins og í leiknum gegn Eistum í gærkvöldi, sá níundi datt í gær, gerist það sama í dag?
– 39-41 Þórir Þorbjarnar skorar eftir flott hraðaupphlaup en það vantar meira bindiefni í íslensku vörnina.
– 37-39 Ingvi Þór minnkar muninn fyrir Ísland niður í tvö stig með gegnumbroti.
– 32-37 Brynjar karl með aðra körfu í teignum, íslenska liðið er að leita nokkuð að Brynjari núna í teignum þar sem varnarmaður hans á ekki gott með að dekka Brynjar í kringum körfuna.
– 30-37 og 4mín eftir af fyrri hálfleik.
– Norðmenn taka rispu og komast í 30-34, íslenska vörnin gleymdi sér eitt augnablik og fengu t.d. enn einn þristinn yfir sig. Norðmenn eru að hitta vel fyrir utan og Borce þjálfari tekur leikhlé fyrir Ísland og fer betur yfir varnarleikinn, hemja verður Norðmenn fyrir utan þriggja stiga línuna.
