Fyrsti leikur Íslands á Norðurlandamótinu í dag er gegn Finnlandi í undir 16 ára karla. U16 kk hafa unnið tvo fyrstu leikina á mjög dramatískan hátt og eru því öllu vanir. Nú reynir á þegar þeir mæta sterkum finnum. Hérna fyrir neðan má sjá beina textalýsingu frá leiknum og viðtal etir leik.
Tölfræði leiksins
Ingvi Þór Guðmundsson:
Fjórði leikhluti
– Lokatölur í dag 101-87.
– Finnar klára leikinn á lokasekúndunum með flottri vörn. Lélegur þriðji leikhluti er að kosta íslenska liðið þennan sigur.
– Eyjólfur Ásberg heldur ennþá í vonina, hann hendir í sniðskot og fær villuna að auki. Hann setur auðvita vítið og minnkar muninn niður í 11 stig þegar ein mínúta er eftir, 98-87
– Fimm stig frá íslandi á innan við 4 sekúdnum, Ingvi Guðmunds stelur boltanum úr innkasti og setur þrist. Hann fær sína fimmtu villu strax í næstu sókn Finna,94-82.
– Íslendingar eru að brjóta í hverri einustu sókn Finna. Það mun ekki duga til sigurs. Þrjár mínútur eftir og Finnar leiða með 17 stigum, 94-77.
- Árni Elmar setur þrist sem Finnar svara um hæl, Maxhuni er kominn með 25 stig og hefur reynst okkur afar erfiður í dag. Hann hefur sett fimm af tíu þristum Finna í leiknum
– Finnar eru að ganga á lagið, forskotið komið aftur upp í 13 stig, 87 -74.
– Miðherji finna er sendur á línuna við hvert tækifæri, hann er ekki færasta vítaskyttan og hefur sett 3 víti í 8 tilraunum. Hann þakkaði guði með skemmtilegri handabendingu þegar seinasta vítið fór ofaní.
– Miðherji Finna klikkar á tveimur vítum en Finnar ná frákastinu og setja þrist í horninu, rándýrt,
– Þetta lið hefur unnið á æsispennandi lokakafla í hinum tveimur leikjunum, það gefur okkur von um að comeback kóngarnir geti endurtekið leikinn í dag líka
– Brynjar Karl setur þrist, 79-71. Þetta er ennþá leikur
– Ingvi Guðmunds brítur af sér og fær tæknivillu fyrir mótmæli að því er virðist. Dómararnir eru ekki að gefa okkur neitt og hafa dæmt fimm villur á íslenska liðið strax eftir 2 og hálfa mínútu. Finnar eru því í bónus það sem eftir lifir leiks og fara á línuna í hvert skipti sem Ísland brýtur af sér.
– Íslenska liðið er að leyfa alltof mörg opin skot fyrir utan, en Finnar hafa sett 8 þrista í leiknum.
– 72-64 eftir eina og hálfa mínútu. Íslenska liðið stelur boltanum í tvígang en uppskera eina körfu fyrir vikið.
Þriðji Leikhluti
– Finnar seta þrist áður en flautað er til loka þriðja leikhluta, 70-59.
– Brynjar Karl setur Þrist fyrir Ísland og Þórir Guðmundur stelur boltanum strax aftur og sniðskotið liggur. Snögg fimm stig. 67-59.
– Finnland hefur skorað 34 stig í þriðja leikhluta, það er alltof mikið.
– Ísland tekur leikhlé þegar forskot Finnlands er komið í 13 stig, 67-54.
– Enn einn þristurinn frá Finnum, 65-54. Núna þarf íslenska liðið að taka sig á og mæta þessum skotum
– Það dettur allt hjá Finnum þessa stundina, 60-54
– Finnar hafa náð sínu stærsta forskoti í leiknum til þessa, 55-50 eftir þrist frá stigahæsta manni Finna, Edon Maxhuni.
– Finnar eru aftur komnir yfir í stöðunni 51-50 .
– Finnar hafa náð að minnka muninn og nú munar aðeins einu stigi á liðunum, 47-48.
– Aftur er Íslenska vörnin að skila vel, Ingvi Guðmunds stelur boltanum, hendir honum fram völllinn þar sem Þórir Guðmundur treður boltanum að hætti iðnaðarmanna
-Ingvi Guðmunds skorar fyrstu stig íslands í seinni hálfleik, 37-42.
– Ingi Guðmunds, Sveinbjörgn, Jón Arnór, Jörundur Snær og Þórir Guðmundur byrja seinni hálfleik
Annar leikhluti
Stigahæstur í Íslenska liðinu í hálfleik er Ingvi Guðmundsson og Þórir Guðmundur með 8 stig, næstu menn eru Jón Arnór með 7 stig og Brynjar Karl með 4 stig.
– Þegar flautað er til hálfleiks leiðir Ísland með 7 stigum, 33-40.
– Lýsandi fyrir leikinn að í svona 10 sekúdnur voru leikmenn vallarins dreyfir um allt. Ísland stal boltanum, missti hann og stal honum aftur. Þvílík spenna og ákefð.
– Tvær sóknir í röð hefur íslenska liðið fengið dæmd á sig skref. klaufaleg mistök hjá íslenska liðinu
– Varnarleikur Íslenska liðsins er að skila þessa stundina, Ísland leiðir með 9 stigum, 28-37.
– Þórir Guðmundur setur þrist í næstu sókn og Ísland er aftur komið í 27-31.
– Ingvi setur bæði vítin ofaní, 27-28.
– Finnland tekur leikhlé stuttu seinna, 27-26 og Ingvi Guðmundsson fer á vítalínuna eftir leikhlé
– Finnar hafa frumkvæðið þessa stundina en Ísland hefur ekki leyft þeim að stinga af ennþá þó sóknarleikurinn sé stirður, 27-26
– Árni Elmar var ekki lengi að svara fyrir það og setti þrist í næstu sókn, 23-24.
– Sóknarleikur Íslands hefur ekki fundið sig í öðrum leikhluta og FInnar hafa jafnað í stöðunni 21-21
– Þórir Guðmundur setur þrist á öðrum enda vallarins, brunar til baka og ver skot Finna í spjaldið, þvílík tilþrif
– Árni Elmar, Sveinbjörn, Brynjar Karl, Ingvi Karl og Þórir Guðmundur byrjar annan leikhluta
Fyrsti leikhluti
– Sveinbjörn tekur sóknarfrákast sem hann skilar á Brynjar Karl, 12-18. Seinasta skot Finna reyndist of seint og flautan hafði gollið. Fyrsta leikhluta því lokið.
– ein mínúta eftir og Ísland tekur leikhlé, 12-16 fyrir Íslandi
– Ingvi Karl sendur á línuna þegar það er brotið á honum í sniðskoti, í næstu sókn fer Sveinbjörn á línuna þegar það er brotið á honum þegar hann tekur niður frákast. Ísland er komið í bónus.
– Há pressa hjá íslenska liðinu skilar boltanum, Finnar gefa inn af hliðarlínu og henda boltanum beint aftur útaf.
– Brynjar Karl með sín fyrstu stig í dag, 10-13.
– Eyjólfur keyrir endanna á milli og sendir laglega sendingu á Sveinbjörn sem skilar boltanum ofaní, 7-11
– Ísland er mætt, þeir ná aftur að stoppa og hafa skorað 7 stig í röð. 5-9 fyrir Ísland
-Jón Arnór stal boltanum, finnar brutu á honum og sendu hann á línuna. Hann setti svo þrist strax í næstu sókn. 5-7 fyrir Íslandi
– Finnland mætir boltanum mjög hátt á vellinum og ná þennig að taka tíma af íslensku sókninni. Það hefur reynst vel fyrir Finna hingað til
– Fyrstu stig Íslands skorar Jón Arnór Sverrisson, 4-2 fyrir Finnlandi
– Skotin hafa ekki verið að detta á fyrstu mínútunum, bæði lið að henda múrsteinum eins og menn segja. 2-0 eftir 2 mínútur.
– Byrjunarlið Íslands er Jón Arnór, Eyjólfur Ásberg, Jörundur Snær, Þórir Guðmundur og Sveinbjörn.
