Íslenska kvennalandsliðið er komið til borgarinnar Miskolc í Ungverjalandi þar sem þær munu mæta heimakonum í næstsíðasta leik undankeppni EuroBasket 2023. Leikurinn gegn Ungverjalandi fer fram komandi fimmtudag kl. 16:00 að íslenskum tíma og verður í beinni útsendingu á RÚV.
Í seinni leik gluggans, þeim síðasta í undankeppninni, mun Ísland svo taka á móti Spáni heima í Laugardalshöll komandi sunnudag 12. febrúar. Miðasala er hafin á þann leik og fer fram í gegnum smáforritið Stubb.
Hér má sjá hvaða 12 leikmenn verða í liðinu gegn Ungverjalandi
Tveir leikmanna liðsins þær Anna Ingunn Svansdóttir og Ásta Júlía Grímsdóttir munu í dag sjá um Instagram reikning KKÍ í dag og leiða fylgjendur í gegnum hvernig þessi dagur fyrir leik er fyrir íslenska landsliðið.
Hérna er hægt að fylgja KKÍ á Instagram
Umfjöllun Körfunnar um íslensku landsliðin er kostuð af Lykil
