Þjálfari Hrunamanna í fyrstu deild karla Árni Þór Hilmarsson tilkynnti það í gær að leikur kvöldsins gegn Hamar yrði hans síðasti fyrir félagið.
Árni tók við Hrunamönnum fyrir fjórum árum og hefur farið með liðið upp um tvær deildir, en fyrir lokaleik 2021-22 tímabilsins eru þeir í 8. sæti fyrstu deildarinnar með 20 stig.
Samkvæmt færslu Árna á samfélagsmiðlum sem sjá má hér fyrir neðan er hann þakklátur fyrir tíma sinn á Flúðum og gengur hann stoltur frá borði.
Hrunamenn taka á móti Hamar kl. 18:30 í kvöld á Flúðum.
