CAI Zaragoza vann í dag sinn annan deildarleik í röð í ACB deildinni á Spáni í dag þegar liðið fékk Unicaja í heimsókn. Lokatölur voru 82-64 Zaragoza í vil þar sem Jón Arnór Stefánsson gerði 10 stig fyrir Zaragoza.
Jón var ekki í byrjunarliðinu í dag en lék í tæpar 23 mínútur og gerði 10 stig á þeim tíma. Hann tók einnig 4 fráköst og var með 3 stoðsendingar. Eftir leikinn í dag er Zaragoza komið upp í 6. sæti ACB deildarinnar með 8 sigra og 4 tapleiki.
Hér að neðan má sjá myndbort úr leiknum í dag þar sem Jón Arnór er m.a. með huggulega stoðsendingu á seinni stigum leiksins.
