Seinni leikur Hattar og Vestra fór fram í VHE-hölinni í dag. Það verður að segjast að það hefur oft verið betri mæting á pallana en þennan laugardaginn. Höttu vann þó leikinn með 82 stigum gegn 64 og eru eftir leikinn í öðru sæti fyrstu deildarinnar ásamt Breiðabliki, en Vestri er tveimur sigurleikjum neðar, í fjórða sætinu.
Fyrri hálfleikur:
Það voru Hattarmenn sem byrjuðu betur og höfðu frumkvæðið til að byrja með. Að loknum fyrsta leikhluta var staðan 27-17
Í öðrum leikhlutanum gekk Vestramönnum heldur erfiðlega að skora og virtist þreyttan farin að segja til sín, leikurinn spilaðist mjög hægt.
Þegar 3 mínutur voru eftir var staðan 43-22. Vestramenn bara búnir að skora 5 stig og munurinn orðin ansi mikil.
Staðan í hálfleik 47-30
Seinni hálfleikur:
Í seinni hálfleik var það sama upp á teningnum og í gær, Höttur var skrefinu á undan og í hvert skipti sem Vestramenn náðu eitthvað að minnka muninn virtist Höttur geta bætt í og aukið muninn jafnharðan.
Staðan eftir 3 leikhluta var 62-50 og Vestramenn verulega farnir að þreytast.
Það voru þeir Nemanja og Nebosja sem þurftu að bera uppi leik gestanna í dag á meðan aðrir skiluðu minna. Heimamenn virtust hafa meiri breidd og fengu framlag frá fleirum, Dino, Matej og Eystein.
Lokatölur 82-64
Lykilmenn
Nemanja knezevic fór fyrir sínum mönnum í Vestra með 18 stig og 15 fráköst. Fyrirferðamikil undir körfunni, dróg 8 villur.
Nebosja honum næstur með 20 stig.
Hjá Hetti var Marcus Van atkvæðamikill með 17 stig, 8 fráköst og gekk vel í baráttu sinni við Nemaja.
Kjarninn
Andleysi Vestramanna í öðrum leikhluta varð þeim að falli í dag. Spurning hvort að þreytan hafi spilað þar inní, en þetta var annar leikur þeirra á jafn mörgum dögum og það eftir jafn langt ferðalag og hugsast getur.
Dómarar leiksins voru þeir Gunnlaugur Briem og Birgir Örn Hjörvarsson, með fín tök á leiknum.
B lið þessara liða mætust í gærkvöldi og fór sá leikur 76:74 fyrir Hetti eftir að hafa leitt mestan part leiksins.
Umfjöllun / Pétur Guðmundsson
