Síðasta umferð Dominosdeildar karla verður leikin annað kvöld, fimmtudagskvöldið 14. mars. KR mun leika lokaleik deildarkeppni sinnar gegn nýliðum Breiðabliks. Mun Alvogen við það tilefni bjóða öllum á völlinn.
Íslandsmeistarar KR að sjálfsögðu ennþá í harðri baráttu um heimavallarrétt í fyrstu umferð úrslitakeppninnar. Sem stendur í 5. sætinu. Þurfa þeir að vinna þennan leik til þess að það geti orðið að veruleika, en einnig þurfa þeir að treysta á að Keflavík vinni Tindstól. Þar sem að verði liðin jöfn að stigum eiga þeir innbyrðisviðureignina gegn Tindastól en ekki Keflavík.
Alvogen sem er stærsti bakhjarl Körfuknattleiksdeildar KR ætlar að bjóða á leikinn og eru stuðningsmenn hvattir til að nýta tækifærið og upplifa skemmtilega kvöldstund í DHL-Höllinni.
Fyrstu borgarar kvöldsins verða klárir 18:00 og því tilvalið að mæta í burger fyrir leik og fara yfir málefni líðandi stundar.