Undir 20 ára karlalið Íslands lagði Slóveníu í dag á fyrsta leikdegi sínum á Evópumótinu á Krít, 70-68.
Leikurinn var í nokkru jafnvægi á upphafsmínútunum, en Slóvenía nær þó að vera skrefinu á undan þegar sá fyrsti er á enda, 17-21. Undir lok fyrri hálfleiksins er leikurinn svo áfram spennandi og nær Ísland að vera stigi yfir þegar liðin halda til búningsherbergja í hálfleik, 36-35.
Slóvenía hótar því að keyra framúr í upphafi seinni hálfleiksins, þar sem forysta þeirra fer mest í 11 stig. Ísland nær þó að laga stöðuna aðeins fyrir lok fjórðungsins, sem endar 54-57 Slóveníu í vil. Ísland kemst svo aftur yfir með þrist frá Almari Orra Atlasyni í upphafi lokaleikhlutans, 59-57. Leikurinn helst svo nokkuð jafn fram á lokamínúturnar, þar sem Ísland leiðir mest með 5 stigum. Þegar mínúta er eftir leiðir Ísland með 3 stigum, 68-65. Með tveimur vítum frá Alexander Knudsen koma þeir stöðunni svo í 70-65 þegar tæpar 40 sekúndur eru eftir. Undir lokin nær Ísland svo að sigla mjög svo sterkum 2 stiga sigri í höfn, 70-68.
Almar Atlason (Bradley) led all scorers and knocked down a pair of clutch buckets to help Iceland start out its U20 Div A campaign on the right foot with a 70-68 win over Slovenia
27 PTS • 9-19 FG • 4-10 FT • 9 REB • 3 AST • 2 STL • 1 BLK@almar_atla #FIBAU20Europe pic.twitter.com/ODts8OtCok
— CBB Europe (@CBB_Europe) July 8, 2023
Atkvæðamestur fyrir Ísland í leiknum var Almar Orri Atlason með 27 stig, 9 fráköst og 3 stoðsendingar. Þá skilaði Orri Gunnarsson 21 stigi og 5 fráköstum.
Næsti leikur Íslands á mótinu er í fyrramálið kl. 10:30 gegn Þýskalandi, en líkt og leikur dagsins verður hann í beinni vefútsendingu.
Upptaka af leiknum
Umfjöllun Körfunnar um íslensku landsliðin er kostuð af Lykil
