All-Star helgi – WNBA stjörnuleikurinn fer fram á morgun!

WNBA stjörnuleikurinn fer fram á laugardaginn í Las Vegas. Leikmenn beggja liða voru valdir með kosningu af aðdáendum, leikmönnum, þjálfurum og fjölmiðlamönnum. Elena Delle Donne og A‘ja Wilson fengu flest atkvæði og eru því fyrirliðar sitt hvors liðsins, sem hvort um sig ber nafn þeirra. A‘ja Wilson varð fyrir því óláni að meiðast á dögunum og getur því ekki spilað. Hún verður þó áfram fyrirliði síns liðs og búið er að kalla nýliðann Napheesa Collier inn til að spila í stað Wilson. Liðin má sjá hér að neðan.

TEAM DELLE DONNE (Þjálfari Mike Thibault)

Byrjunarlið

Elena Delle Donne (Washington Mystics)

Brittney Griner (Phoenix Mercury)

Jonquel Jones (Connecticut Sun)

Jewell Loyd (Seattle Storm)  

Kia Nurse^ (New York Liberty  )

Bekkur

DeWanna Bonner (Phoenix Mercury)  

Tina Charles (New York Liberty)   

Nneka Ogwumike (Los Angeles Sparks) 

Alyssa Thomas (Connecticut Sun)     

Kristi Toliver (Washington Mystics)

Courtney Vandersloot (Chicago Sky)           

TEAM WILSON (Þjálfari Bill Laimbeer)

Byrjunarlið

Liz Cambage (Las Vegas Aces)       

Chelsea Gray (Los Angeles Sparks) 

Natasha Howard^ (Seattle Storm)           

Kayla McBride (Las Vegas Aces)       

A’ja Wilson* (Las Vegas Aces)        

Bekkur

Napheesa Collier^ (Minnesota Lynx)      

Diamond DeShields^ (Chicago Sky)           

Candice Dupree (Indiana Fever)          

Sylvia Fowles (Minnesota Lynx)      

Allie Quigley (Chicago Sky)            

Odyssey Sims^ (Minnesota Lynx)      

Erica Wheeler^ (Indiana Fever)          

^ Spilar í fyrsta skipti í Stjörnuleiknum

* Meidd, spilar ekki

Ýmsir viðburðir verða haldnir í Las Vegas í kringum stjörnuleikinn. Í kvöld fer fram þriggja stiga keppni og tækniþraut (skills challenge).

Þriggja stiga keppni síðasta árs var æsispennandi og mun sigurvegari hennar, Allie Quigley, freista þess að verja titil sinn. Listi yfir þátttakendur í þriggja stiga keppninni og tækniþrautinni er hér að neðan.

Þáttakendur í 3ja stiga keppni

Þátttakendur í tækniþraut

Viðburðum kvöldsins í kvöld verður sjónvarpað á ESPN kl. 23:00 (að íslenskum tíma).

Stjörnuleikurinn sjálfur, sem fer fram kl. 19:30 að íslenskum tíma laugardaginn 27. júlí, verður sýndur á ABC en auðvitað geta þeir sem eru með League Pass aðgang horft á leikinn í gegnum appið eða vefsíðuna.

Deildin er einnig mjög virk á samfélagsmiðlum, instagram, facebook, snapchat og twitter og því auðvelt að fylgjast með því helsta í gegnum þá.

Margir leikmenn eru að leika í stjörnuleiknum í fyrsta skipti (sjá lista). Það er á hreinu að nýr MVP verður krýndur þar sem Maya Moore hefur verið valin mikilvægasti leikmaður stjörnuleiksins síðustu 3 ár. Spennandi verður að sjá hver tekur titilinn í ár, sem og hvort lið Delle Donne eða lið hinnar ungu A‘ja Wilson sigri leikinn.  

Umfjöllun / Hanna Þráinsdóttir