Höttur tók á móti Snæfelli í VHE-höllinni í kvöld. Snæfell byrjuðu af krafti og komust í 0-7 strax á fyrstu mínútu og virtust nokkuð öruggir í sínum aðgerðum. Það má segja að Höttur hafi ekki mætt alveg tilbúnir í leikinn. Það tók allavega nokkrar sóknir að stilla miðið. Höttur komst svo yfir í stöðunni 12-11 og litu aldrei við.
Fyrsti leikhluti var ansi hraður og einkenndist af töpum boltum og þriggja stiga skotum. Staðan eftir fyrsta leikhluta var 29-15.
Hraðinn í leiknum minnkaði aðeins í öðrum leikhluta og reynslumeira lið Hattar jók forskotið jafnt og þétt. Dino virtist láta dómarana eitthvað fara í skapið á sér.
Staðan í hálfleik var 53-28
Dino hélt áfram að fá á sig óskynsamar villur og pirra sig á dómurunum. Viðar hélt áfram og spila á 3 útlendingum að jafnaði þrátt fyrir mikið forskot og virtist vera reyna nota leikinn til að slípa mesta haustbraginn af leik sinna manna.
Staðan eftir þrjá leikhluta 81- 46
Í fjórða leikhluta virtust Hattar menn slaka á, sem og yngri leikmenn fengu að spreyta sig, enda sigur ss. ekki i hættu. Snæfellingar gerðu vel í vörn og fóru að tvöfalda á drive’in og uppskera hraðaupphlaup. Snæfellingar unnu leikhlutann 14-27.
Lokatölur 95-73
Það er gaman að sjá David Guardia Ramos virðist vera að styrkja sig og spilar betur og betur. Sigmar Hákonar kom ekki við sögu í dag, vonandi verður hann klár í næsta leik.
Dómarar leiksins
Aðalsteinn Hrafnkelsson og Guðmundur Ragnar Björnsson.
Þeir komust ágættlega frá þessum leik.
Kjarninn
Heilt yfir var leikurinn nú ekki beint spennandi en samt fínasta skemmtun svona á köldu mánudagskvöldi.
Snæfellingar voru duglegir og hættu ekkert að berjast. Það sem háði þeim mest í kvöld voru fráköstin enda tapa þeir frákasta baráttunni 50-31.
Hattar menn virkuðu kærulausir og ekki nógu vel stemmdir í þennan leik. Þeir verða vonandi búnir að taktinn fyrir sunnudag.
Næstu leikir liðanna eru í Geysis bikarnum þar sem bæði lið eiga heimaleik gegn úrvalsdeildarliðum. Höttur fær Njarðvíkinga í heimsókn 3. nóvember og Snæfell fær lið Þórs frá Akureyri til sín 4. nóvember
Umfjöllun: Pétur Guðmundsson
