Dominos deild karla hefst í kvöld með fjórum leikjum. Líkt og áður er mikil spenna fyrir nýju tímabili en miklar breytingar hafa orðið á liðunum sem gerir spennuna jafnvel enn meiri fyrir þetta tímabil.
Karfan hitar upp fyrir tímabilið með því að fara yfir öll liðin og ræða við leikmann eða þjálfara liðsins. Þá er komið að Völsurum.
Valur
Valsarar voru eitt skemmtilegasta lið síðasta tímabils en liðið tapaði mörgum leikjum í lok þeirra. Það verður spennandi að sjá hvernig þetta annað tímabil í efstu deild fer en mörg lið hafa farið flatt á því í gegnum árin.
Spá KKÍ: 9. sæti
Lokastaða á síðustu leiktíð: 10. sæti
Þjálfari liðsins: Ágúst Björgvinsson
Leikmaður sem vert er að fylgjast með: Gunnar Ingi Harðarson. Bakvörðurinn kom í lið Vals eftir að tímabilið hófst í fyrra og er því að að fara inní sitt fyrsta heila tímabil. Leikmaður sem gæti sýnt það að hann sé meðal þeirra bestu í deildinni á komandi leiktíð.
Komnir og farnir:
Komnir:
Ragnar Nathanaelsson frá Njarðvík
Oddur Rúnar Kristjánsson frá Njarðvík
Miles Wright frá Dartmouth
Aleks Simeonov frá Levski Lukoi (Búlgaríu)
Farnir:
Urald King til Tindastóls
Ólafur Björn Gunnlaugsson til Tindastóls
Elías Kristjánsson hættur
Högni Egilsson hættur
Viðtal við Ágúst Björgvinsson um komandi tímabil:
