Rétt í þessu var tilkynnt að landsliðsmaðurinn Ægir Þór Steinarsson hafi samið við Stjörnuna um að leika með þeim í Dominos deild karla. Samningurinn var undirritaður í Mathúsi Garðabæjar nú kl 14:00.
Samningur Ægis er til tveggja ára með möguleika á því þriðja. Ægir kemur frá liði TAU Castello þar sem hann lék á síðasta tímabili en þar áður lék hann með San Pablo Burgos.
KR mun einnig hafa verið á höttunum eftir Ægi en hann hefur nú ákveðið að skrifa undir hjá Garðarbæjarfélaginu. Ægir er uppalinn í Fjölni en lék með KR eitt tímabil 2015-2016.
Karfan spjallaði við Ægi eftir að samningurinn var undirritaður.
