Ísland lagði Ítalíu í Reggio Emilia í kvöld í fjórða leik sínum í undankeppni EuroBasket 2025, 74-81. Eftir leikinn er Ísland með tvo sigra og tvö töp í undankeppninni.
Karfan spjallaði við Styrmir Snær Þrastarson eftir að leik lauk í Palabigi höllinni í Reggio Emilia. Styrmir átti frábæra innkomu af bekk Íslands í leik kvöldsins eftir að hafa lítið verið notaður í leiknum gegn Ítalíu fyrir helgi. Þakkaði hann traustið með 9 stigum og 4 fráköstum.
