Íslenska landsliðið ferðaðist í gær laugardag til Ítalíu þar sem liðið mun mæta heimamönnum í fjórða leik undankeppni EuroBasket 2025 á mánudagskvöldið. Fyrri leikur liðanna fór fram síðasta föstudag heima á Íslandi, en í honum hafði Ítalía sigur í nokkuð kaflaskiptum leik.
Karfan ræddi við miðherjann öfluga Tryggva Snæ Hlinason eftir komu liðsins til Reggio Emilia, en fljótlega eftir að liðið lenti var það komið á æfingu. Ferðalag liðsins út var nokkuð óvenjulegt að því leyti að um leiguflug var að ræða þar sem liðin tvö, það ítalska og íslenska ferðuðust saman.
