Stjarnan hafði betur gegn nýliðum Aþenu í Austurbergi í kvöld í 4. umferð Bónus deildar kvenna, 81-87. Eftir leikinn er Stjarnan í 2.-7. sæti deildarinnar með tvo sigra og tvö töp á meðan að Aþena er í 8.-10. sætinu með einn sigur og þrjú töp.
Fyrir leik
Nú er komið að því að stelpurnar úr Hækkum rána mætast í fyrsta sinn í efstu deild og má búast að allt verði lagt í að vinna þennan leik.
Gangur leiks
Stjarnan byrjaði leikinn betur og voru 20 – 16 yfir eftir fyrsta leikhluta. Aþena kom betur inn í annan leikhluta og náði jafna leikinn um miðjan leikhlutann en Stjarnan kláraði leikhlutann betur og leiddi 40 – 37 í hálfleik.
Í seinni hálfleik var stjarnan alltaf skrefinu á undan og var sigurinn einginlega aldrei í hættu þrátt fyrir að Aþena kom með áhlaup í lok fjórða leikhluta. Niðurstaðan að lokum sex stiga sigur Stjörnunnar, 81-87.
Atkvæðamestar
Atkvæðamest heimakvenna í leiknum var Ása Lind Wolfram með 21 stig, 8 fráköst og Dzana Crnac bætti við 22 stigum, 4 fráköstum og 4 stoðsendingum.
Fyrir Stjörnuna var það Denia Davis Stewart sem dró vagninn með 23 stigum og 17 fráköstum. Henni næst var Kolbrun María Ármannsdóttir með 24 stig, 6 fráköst og 5 stoðsendingar.
Hvað svo?
Bæði lið eiga leik næst komandi þriðjudag 29. október, en þá tekur Stjarnan á móti Hamar/Þór í Ásgarði og Aþena heimsækir Njarðvík.
Umfjöllun / Magnús Sigurjón
Viðtöl / Helgi Hrafn
