Finnur Freyr Stefánsson þjálfari Íslandsmeistara Vals mun ekki vera með liðinu er það tekur á móti Þór í 2. umferð Bónus deildar karla í kvöld.
Samkvæmt tilkynningu félagsins mun þjálfarinn sigursæli verða frá í einhvern tíma vegna veikinda og sendir félagið honum sínar bestu batakveðjur. Í stað Finns mun Jamil Abiad aðstoðarþjálfari liðsins stíga inn og stýra liðinu á meðan hann er í burtu.
