Mun ekki leika með Haukum

Haukar hafa samkvæmt heimildum Körfunnar sagt upp samningi sínum við hinn litháíska Arvydas Gydra. Arvydas kom til liðsins nú fyrir komandi tímabil frá Flyers Wels í Austurríki og hefur síðustu vikur æft og leikið með liðinu í undirbúningi þeirra fyrir Bónus deildina. Arvydas mun því ekki leika með liðinu í vetur eins og ráð var gert fyrir, en ekki fylgir heimildum hvort eða hvern Hafnarfjarðarliðið muni fá í stað hans.