Undir 20 ára kvennalið Íslands mun í dag mánudag 8. júlí leika sinn þriðja leik á Evrópumótinu í Sófíu í Búlgaríu, en mótið mun standa til 14. júlí. Fyrsta leik mótsins vann liðið gegn Austurríki í fyrradag, en í gær töpuðu þær fyrir Úkraínu. Í dag kl. 15:00 mæta þær liði Búlgaríu í úrslitaleik um hvort liðið kemst í 8 liða úrslit mótsins.
Hérna verður hægt að horfa á leikinn í beinni útsendingu
Fréttaritari Körfunnar í Sófíu hitti þjálfara Íslands Ólaf Jónas Sigurðarson fyrir leik og spurði hann út í gengi liðsins til þessa á mótinu gegn Austurríki, Úkraínu og mikilvægi leiks dagsins gegn heimakonum í Búlgaríu.
