Hér fyrir neðan eru nokkur af þeim atriðum sem Körfunni hafa borist til eyrna á síðustu dögum er varða leikmenn, þjálfara og félög á Íslandi. Tekið skal fram að hér er um að ræða óstaðfestar fregnir og því ber að taka þeim sem slíkum.
- Samkvæmt orðinu á götunni hefur aðstoðarþjálfari Grindavíkur í Subway deild karla Jóhann Árni Ólafsson átt í viðræðum við Hött um að ganga inn í þjálfarateymi liðsins fyrir komandi leiktíð.
- Benedikt Guðmundsson var staðfestur á dögunum sem þjálfari Tindastóls, en hann er sagður hafa mætt með innkaupalista með sér norður. Þar sem samkvæmt orðrómi þeir eru sagðir vilja ná í Þorvald Orra Árnason fyrrum lærisvein hans hjá Njarðvík, Dedrick Basile leikmann Grindavíkur og nýkrýndan besta leikmann Subway deildarinnar Kristinn Pálsson úr Val.
- Þorvaldur Orri er þó enn talinn gífurlega líklegur til þess að semja við KR.
- Keflvíkingar eru sagðir stórhuga fyrir komandi tímabil. Orð götunnar í síðustu viku var að þeir myndu selja sig dýrt til að ná í Taiwo Badmus leikmann Vals. Nú er einnig verið að ræða að þeir séu að reyna að semja við fyrrum leikmann sinn Deane Williams fyrir komandi tímabil, en hann lék fyrir Oldenburg í þýsku úrvalsdeildinni á síðustu leiktíð.
- KFG mun samkvæmt orðinu á götunni taka sæti Þróttar í fyrstu deild karla á næstu leiktíð.
- Þá eru KFG sagðir á eftir uppöldum leikmönnum Stjörnunnar fyrir komandi leiktíð, þeir sem nefndir hafa verið sem mögulegir leikmenn þeirra á næsta tímabili eru Daði Lár Jónsson leikmaður Hauka og Ingimundur Orri Jóhannsson leikmaður Ármanns.
- Báðir eru Ingimundur Orri og Daði Lár þó orðaðir við Ármann í fyrstu deildinni.
- Einnig er Gerald Robinson sagður vera með tilboð á borðinu frá Ármanni.
- Þórir Guðmundur Þorbjarnarson er sagður líklegur til þess að ganga til liðs við KR fari svo að hann yfirgefi Tindastól fyrir komandi leiktíð.
- Leit meistara Keflavíkur að þjálfara fyrir komandi tímabil í Subway deild kvenna er sögð vera komin vel á veg, en þau nöfn sem nefnd hafa verið sem mögulegir arftakar Sverris Þórs eru Anna María Sveinsdóttir, Hörður Unnsteinsson og Friðrik Ingi Rúnarsson.
- Eftir að hafa verið tvö síðustu tímabil í bandaríska háskólaboltanum er Hilmir Hallgrímsson sagður íhuga að leika í Subway deildinni á komandi tímabili. Líklegir áfangastaðir eru taldir Haukar, Höttur eða ÍR.
- Líkt og öllu sumur síðan Kristján Fannar Ingólfsson fór frá Keflavík til Stjörnunnar er hann orðaður heim aftur.
- Friðrik Ingi Rúnarsson hefur samkvæmt orðinu á götunni átt í viðræðum um að taka við liði Sindra í fyrstu deild karla.
- Leikmaður Stjörnunnar Tómas Þórður Hilmarsson er sagður bæði hafa rætt við Álftanes og Hauka um að leika fyrir annað hvort liðið á næsta tímabili í Subway deild kvenna.
- Tindastóll mun samkvæmt orðrómi taka sæti Fjölnis í Subway deild kvenna á næstu leiktíð.
- Samkvæmt orðinu á götunni mun leikmaður Tindastóls Eva Rún Dagsdóttir vera líkleg til þess að ganga til liðs við lið á höfuðborgarsvæðinu fyrir komandi leiktíð, hafa KR, Valur og Haukar öll verið nefnd sem mögulegir áfangastaðir.
- Dagný Lísa Davíðsdóttir er sögð hafa átt í viðræðum um að ganga til liðs við nýliða Hamars/Þórs í Subway deild kvenna.
- Samkvæmt orðinu á götunni mun Skallagrímur hafa reynt að næla í leikmann Keflavíkur Danero Thomas.
- Samkvæmt orðrómi má vera að Óli Gunnar Gestsson verði á Íslandi eftir áraveru í bandaríska háskólaboltanum, líklegir áfangastaðir eru taldir Höttur, KR eða KV.
- KV eru einnig sagðir á höttunum eftir Ísari Frey Jónassyni, fyrrum leikmanni KR og Selfoss.
- Þá eru nýliðar ÍR sagðir hafa átt í viðræðum við Orra Hilmarsson fyrir komandi leiktíð.
Orðið á götunni er einungis til gamans og ef fólk hefur ábendingar um slúður skal hafa samband á [email protected]
