Leikmaður Breiðabliks í Subway deild karla Karl Ísak Birgisson mun halda vestur um haf og leika fyrir Holy Cross í bandaríska háskólaboltanum á næsta tímabili.
Karl Ísak er 19 ára og að upplagi úr Fjölni. Eftir að hafa leikið upp yngri flokka Fjölnis hóf hann að leika fyrir meistaraflokk þeirra tímabilið 2020-21. Þar lék hann svo allar götur fram að yfirstandandi tímabili, þegar hann skipti yfir til Breiðabliks. Þá hefur Karl Ísak verið hluti af yngri landsliðum Íslands á síðustu árum.
Holy Cross eru staðsettir í borginni Notre Dame í Indiana ríki Bandaríkjanna, en þeir leika í Chicagoland hluta NAIA háskólaboltans.
