Njarðvík lagði Þór í Þorlákshöfn í kvöld í fjórða leik átta liða úrslita Subway deildarinnar, 84-91. Með sigrinum náði Njarðvík að tryggja sér oddaleik um sæti í undanúrslitum, en hann mun fara fram á fimmtudaginn á þeirra heimavelli í Ljónagryfjunni.
Karfan spjallaði við Veigar Pál Alexandersson leikmann Njarðvíkur eftir leik í Þorlákshöfn. Veigar Páll átti frábæra innkomu í leikinn af bekk Njarðvíkur, lék 27 mínútur og skilaði á þeim 18 stigum, 2 fráköstum og 3 stoðsendingum.
